Súkkulaði og piparmynta er mitt allra uppáhalds combo, það getur bara ekki klikkað. Þar sem ég átti afmæli á laugardaginn og fékk draumahrærivélina í afmælisgjöf þá var ekkert annað í stöðunni en að prufa vélina og varð þessi kaka fyrir valinu. Klassísk súkkulaðikaka með súkkulaðimyntu kremi sem er einu númeri of gott. Mæli með að þið prufið þessa.

Uppskrift:

• 250 gr hveiti
• 250-300 gr sykur
• 125 gr brætt smjörlíki
• 125 ml nýmjólk
• 1/2 tsk salt
• 1 tsk lyftiduft
• 1 tsk matarsódi
• 1 tappi vanilludropar
• 4 msk kakó
• 2 egg

Þessu er öllu skellt í hrærivélina og hrært í 2 til 3 mínútur. Hægt að setja í hvaða form sem er, ég setti deigið í 2 hringlaga form. Þetta bakast svo í 20 – 25min við 180°C.

Súkkulaðimyntu smjörkrem:

• 200 – 250 gr íslenskt smjör (við stofuhita)
• 4 – 5 dl flórsykur
• 4 msk kakó
• 2 eggjarauður
• 2 tappar af piparmyntudropum/stevíu

Ég skreytti síðan með Piparmyntu Nóa kropp til þess að fullkomna piparmyntubragðið.

Verði ykkur að góðu

erlaguðmundsdóttir